!!!

என்னை விட்டுவிடு
என்கிறாய்
வெற்றிடங்களையும்
நிரப்பிக்கொண்டே ...!!!

வட்ட வட்ட சலனங்களில் ...

தவிர்க்க நினைக்கும் நினைவுகள்
எதிரொலித்து கல்வீசி
உண்டாக்கும் வட்ட வட்ட
சலனங்களில் தொலைந்து கொண்டே
தேடிக்கொண்டிருக்கிறேன்
வாழ்தலையும் தொலைதலையும்
ஒரு சேர திறக்கும் சாவிதனை ...

இப்போதைக்கு
பட்டாம்பூச்சியின்
சிறகுடைக்க
நீயற்று நனையும்
மழைத்துளியே
போதுமானதாயிருக்கிறது ...

உன் கவண் வில்லில்
பொருந்திய சொற்களை
பத்திரப்படுத்து
பிறிதொரு கார்காலமற்ற
கடின பொழுதுகளுக்காய்... !!!

கவண் பொருந்திய சொற்களை ...

இப்போதைக்கு
பட்டாம்பூச்சியின்
சிறகுடைக்க
நீயற்று நனையும்
மழைத்துளியே
போதுமானதாயிருக்கிறது ...

உன் கவண் வில்லில்
பொருந்திய சொற்களை
பத்திரப்படுத்து
பிறிதொரு கார்காலமற்ற
கடின பொழுதுகளுக்காய்... !!!

ப்ரியங்கள் குழைத்தோடும் ...

ப்ரியங்கள் குழைத்தோடும்
நதியில் மிகக் கவனமாய்
கால் நனைக்காது
தடங்களை விட்டுச் செல்கிறாய் ...

தடுமாறி நின்றவனும்
உணர்ந்திருக்கக் கூடும்
புரிதலுக்குப் பின்னான
பிரிவின் வலியை ...!!!

மறுத்துக்கொண்டே சரி என்கிறேன் ...

அலையின் ஓய்வற்ற
இரைச்சலின் மேல்
வெறுமை கொண்டலையும்
ஓர் வண்ணத்துப்பூச்சியாகவே அலைந்து கொண்டிருக்கிறேன்...

கொட்டும் பெருமழையாய் வீழ்பவனை கைகளில் ஏந்திக்கொள்ளும் பிரயத்தனங்களில் கண்களில் பொருத்திய கண்மை கரைப்பதே இலட்சியம் உனக்கு...

கதகதப்பிற்காய் ஏங்கும் பூனைக்குட்டியை ஒத்தவளாய்
உன் கைவிரல்களுக்காய் காத்துக்கொண்டிருக்கிறேன் தேர்ந்தெடுக்கப்பட்ட உனதான
சில வார்த்தைகளோடு ...

நமக்கென பெய்யும் மழையில் நீயின்றி நனைந்தும்
உன் பிடிவாத விலக்கல்களில்
துளி கண்ணீரிட்டு அதில் அழுத்தமாய் தீவிரமாகவே உன்னை எழுதிக் கொள்கிறேன்...

அர்த்தமற்று எழுதியும் பேசியும் திரிந்து கொண்டிருந்தவள்
கனத்த மௌனங்களில் தவிப்புடன் சில சொற்களை பத்திரப்படுத்த கற்றுக்கொண்டது எப்போது...

உடையக்கூடாதென்ற கவனங்களில் உடைத்தும் விடுகிறாய்
அதீத ஸ்நேகத்தில் அதீத வெறுமையிலும் ஊசலாடிக்கொண்டே மறுத்துக்கொண்டே சரி என்கிறேன்...

இங்குதானே இருக்கிறேன்

இங்குதானே இருக்கிறேன் ....

இலக்கற்று நீ இறகாய்
அலைந்து கொண்டிருக்கையில்
காற்றாய் ....

காற்றால் உலுக்கப்பட்டு
சிணுங்கும் கிளைகளாயிருக்கையில்
உனைத்தாங்கும் வேராய் ...

வேராய் நீ
வலிகொண்டிருக்கையில்
உனை நனைக்கும் மழையாய் ...

பிரவாகமாய் நீ
வெளிப்படுகையில்
உடைபடும் கற்களாய் ....

உன் பயணங்களில்
நீ ரசிக்கும்
ஜன்னலோர இருக்கையாய் ...

உன் கவிதை பக்கத்தில்
நீ அடையாளமிட்ட
மயிலிறகாய்...

என்னைத்தேடி நீ
வெளியெங்கும் அலைகையில்
உன்னில் தொலைந்தவளாய் ....

இங்குதானே இருக்கிறேன் ...